Rapot bapa

Sarengsena  dibagi rapot, eta budak rurusuhan balik ka imahna.
"Mana rapotna ? cik bapa nempo ! " ceuk bapana
"Tuh dina meja !" tembal eta budak bari nunjuk kana meja.
Barang bapana nempo eta rapot, ana gantawang teh ngambek.
"Naha rapot teh mani goreng kieu ? ieu beureumna oge mani loba Nya gawe naon bae atuh maneh teh ? Sugan tara ngapalkeun ? " ceuk bapana bari ngambek laklak dasar.
"Naha da rapot abi mah teu aya beureuman !" tembal eta budak.
"Ari ieu tuh tempo! sidik mani rapang beureumna ?"
" Mana ? ceuk eta budak bari ngarebut  buku rapot, "Har, geuning ieumah rapot anu ... Bapa ? enya rapot nu Bapa baheula basa sakola SD ?"
Sanggeus sidik yen eta rapot nu manehna, bapana ukur bisa garo-garo teu ateul.