Dreum

Umumna kadaharan tradisional Sunda teh sok aya papasanganana, ceuk saurang guru nerangkeun ka muridna.
"Leupeut papasanganana jeung naon ceuk eta guru nanya.
"Gorengaaaaannn !" tembal murid raong.
"Enya. ari gula papasanganana jeung naon ?
"Kopiii !
"Ari kurupuk Papasanganana jeung naon ?"
"Bonteeeeng!"
"Enya. Cik ayeuna sebutkeun naon papasanganana Hansip ?"
"Kohkoooolll !"
"Salah !"
"Bangsaaat !"
"Salah!"
"Gardu !"
"Salah.. Bisi maraneh hayang apal papasanganana Hansip mah nya eta jeung ,,,Dreum. "
"Naha jeung Dreum Pa ?" ceuk murid semu bingung.
"Sok we ku maraneh tempo di jalan-jalan , lamun aya anu hajat pasti sok masang dreum. Tah gigireun eta dreum pan sok aya.. Hansip nangtung," tembal eta guru bari seuri.